دولار دئییر بیرآز دایان
بئل آغریسین کیمدی سایان
قووزا منی قیرخ مینه جان
نه بیر قاریش اویان بویان
.
آغریسی وار گئت دؤکتوره
قوی بئلینی ماساژ وئره
پولون یوخسا بیر الینله
اؤزون یاواشجا سورته له
.
آمان جانیم دیققت ائله
فقط منی سالما یئره
بیر ال یئره، بیر ال بئله
قؤوزا منی قیرخ مینلره
.
گوجسوز قالدین! هئچ داریخما
اوره ک بویره گینی ده سیخما
آل بو آتوم وور پارچالا
هئچ ده انرژیسیندن قورخما
.
بو دونیادا آتوم سنین
ماراغا باسلیغی سنین
فقط منی قووزا گؤیه
آخیرتین خئیری سنین
.
قیرخین چیخینجا گون گلر
قاطار قاطار حوری گلر
گلن حوری ایکی ماچی
بیر دسته ده دولار وئرر
.
دولدور منه یاریم فینجان
بختیم اولوب قارا بادیمجان
هانسی هاوا چالسان اینان
اوینایاجاق بیزیم عمی جان
Bizim Art 