قونقا باشی

سن یاریمین قاصیدیسن
ایلش سنه چای دئمیشم
سندن اؤترو اوطاقلارا
دونن سوپورگه چکمیشم

بایرام اوستو بوش جیبیمه
باخیب من آه وای دئمیشم
بو ایل گینه اوشاقلارا
کؤهنه تومان گئیدیرمیشم
آروادیمین باشماقلارین
پینه چییه گؤتورموشم
تاناکورا شالواریمین
ییرتیغینی دا تیکمیشم

پوسته بادام کوسوب بیزدن
آغ ساققیزی چئینه میشم
موز یئرینه یئر کوکونو
به به اینن هئی یئمیشم

بنزه مینیب گئدیب قونشو
داشقانی دا من سئچمیشم
قونقا باشیندا فایتونا
مینیب گودازا گئتمیشم

اوغرو مینیب بوینوموزا
من اونا جان جان دئمیشم
بورک گئچیبدیر خیتله ییمه
من گینه ده بیلمه میشم
چوخلو کلک حیله گؤرروب
آمما هله پیشمه میشم

گئتمه دایان سمییه جان
ایلش سنه چای دئمیشم
گؤر نئجه ده من اؤزومو
یامان گونده ایتیرمیشم 

2Ali Dadashpuor ve Saeed MorsaliBeğenYorum YapPaylaş

Yorumlar

Yorum yaz…