آسیمیله دیل

ایل ۱۰۶۶ ده، هئیس تینقز ساواشی نتیجه سینده اینگیلتره، نورمانلار طرفیندن ایشقال ائدیلدی.
نورمان ایشقالی اینگیلتره تاریخینده بؤیوک بیر یئری وار. اینگیلز دیلی و کولتورو او دؤنمده درین بیر ائتکی آلتیندا قالار. اسکی اینگیلز دیلی یئرینه آدادا، انگلو-نورمان دیلی یئر آلار. اوشاق آدلاریندا فرانسیس ایسیملر داها دا یایغینلاشار.
دؤنمین سونوجوندا اینگیلیز، آرتیق دؤنوشومه اوغرامیش بیر دیل حالا گلر. اینسانلار و اوزللیکله ده اصیللر اینگیزجه یئرینه فرانسیزجا دانیشارلار.
بو دئییشیم اوچون ویلیام (نورمان دوکو) مدرسه لرده, بوروکراسی و یؤنه تیمده( مودیریت) فرانسیز دیلینی اویغولار.

بو قیسا گیریشده کی ایلگی چکن شئی، بوروکراسی و یؤنه تیم دیلیدیر. بیر دیلین میللته حاکیم اولماسی اوچون یؤنتیمه کئچمه سینده چوخ بؤیوک بیر رول وار.
بانکا نوتلاری (پول، چک)، مال وارلیغی و مولک سندلری، ائییتیم دیپلومالاری، ایداری مکتوبلار، و.س.. قیساجاسی قیمتلی اولان هر شئی، هانسی دیلده یازیلیبسا، اینسانلار او دیلین ده قیمتلی و اوستون اولدوغونو دوشونه جکلر.

ساباحین بیری بیزیم مدرسه لرده اوشاقلارمیز اوچون تورک دیلینده ائییتیم باشلارسا اگر. چوخلاری اونون یئزینه فارسجایی ترجیح ائده ر. اینسانلارین چوخو گئنه فارس دیلینده یازیب دانیشار. چونکو یؤنتیم دیلی هله ده خاریجی بیر دیلدی و او دیلین داها دا دیرلی و قیمتلی اولدوغونو دوشونه رلر.