جننته گئدن صلوات

سالدی منی قم یولونا گؤزلری
بیر سوموک اولدو بدنیم بیر دری
آج و سوسوز بیر وانئته دولدوروب
جننته دوغرو آپاریر بیزلری

قابلامامیزدا مازالاق فیرلانیر
چیلوکباب دردله نیرلر اؤزلری
آرواد اوشاق آریق جیلاز اولوبلار
بنزه ییبدیر جنازه یه ارلری

پیشمیش تویوق اونا قولاق آساندا
گولدورور بوش وعده لری سؤزلری
جیران بئلینده دولانیر گول به سر
موز دا کی سایمیر بیزی دینسیزلری

سس چیخاران بیر گئجه ده قئیب اولور
خیمیر خیمیر اؤلدورور سس سیزلری
قم یولوندا تکرلریم پاتلاییب
فرمانین دا شوللاشیبدیر پیچلری

جننتینی ایسته مه دیک ایلاهی
تولازلا گؤیدن یئره کرپیجلری
بو آخشام اؤلدور به چارا میللتی
واصیل ائله جهننمه بیزلری