عینالی

تبریزه قار یاغیب نئچه گون قاباق
مذهب ایتیب آرا قاریشیب یامان
قار آلتیندا گیزله نیب هونرلی ال آیاق
صنعتکار لوت قالیب ییرتیلیب تومان

سئرچه لر بزه نیب لر سامان میدانیندا
اوخویورلار آمما پتروشیمی سالونوندا
قناریلری ده ساتیرلار بئش اون قیرانا
سسسیز صداسیز گجیل قاپیسیندا

بالابانچی اوتوروب مدرسه قاباغیندا
عاشیق هاواسی چالیر امین خیاوانیندا
کیچیک اوغلو بورونوب یاتیب یانیندا
یانیق کرم ده دونورو تبریزین سویوغوندا

تبریزه یامان قار یاغیب نئچه گون قاباق
پاساژ اوممته گیره نی دیده له ییر اصناف
ایللا اینکی بیر شئی باساجاق
قیشین شخته سینده موشترییه
اوست آچیق دیک دابان باشماق
او دا اولماسا یقین
شهیم رحریارینین بیلیطینی ساتاجاق

تبریزه‌ یامان قار یاغیب نئچه گون قاباق
اوجا داغلارین باشینا قویوبلار آغ پاپاق
عینالینین گولوشلری قارا بورونوب
کوسوب یئرده گئدیر قاش قاباق
ساللاییب میرسیغی
بوزوب‌ دیل دوداق

کهلیک بولاغی
گیج قالیب تبریزین صنعتینه
چاره سیزلیکدن ال آتیب
اه نئی له ییم حببینه
ایله شیب اهل عیاللا قولاق آسیر
بابک نهرینین ادبلی صحبتینه
باشینی سوخوب میکروفونوندان یاغان
صحنه ده قار کیمی یامان یوغوزون ایچینه
چیخیب هردن ده باخیر ائشییه
تبریزین پیشمه میش چئی هونرینه

بیلمه ییر گولسون عینالی یا دا آغلاسین
اوخویور نوحه، هئی دؤیور سینه سینه
اوزونو‌ چئویریب ونییار کؤرپوسونه
باشینی یاریر ایمام آغاجی عئشقینه