سانجی

سنین سئوگین
شور موغامیندا کؤک سالان قرارسیزلیغین
سونسوز بیر روماتیزماسیدی
بیاتی قاجار اذانیندا سیزلایان
ابدی یالقیزلیغین
دیز سانجیسیدی

سنین اوزون ساچلارین
دارا آسیلمیش قیسا عؤمورلرین
اینتیحار ایپیدی
هؤروکلرینده​​ ک​​ی جان آلان دویونلر
معصوم دویغولارین
بویونلارینا باغلانمیش
اهر جادده سیدی

باخیشلارینین عیشوه لی گونشی
گئنجلیگین اوزه رینده تیکیلمیش
آسما کؤرپودور

خیاودا دوغار
گون باتمادان اؤنجه باتار

…………………………………..

نور ایچینده یات توحید نوروزی